الرئيسية
انت وطنى ولا اونطة ...؟!!!
احنا من اكتر الشعوب اللى بتعبر عن حبها لبلدها بالاغانى والشعارات،كل يوم تطلع اغنية جديدة بتتكلم عن حب مصر وخيرها وفضلها علينا وتلاقينا على طول بندندن معاها "مصر هيا امى نيلها هو دمى" وبعد ماتنتهى الاغنية ننسى كل حاجة. ياريت الاغانى ديه كانت تقدر تعمل اللى عايزينه كنا بقينا احسن ناس .
ولما نزلت سألت المواطن اللى ف الشارع وقولتله" مصر تبقى ايه بالنسبالك؟"لقيته بيقولى بسخريه "يعنى انتى مش عارفة مصر تبقى ايه بالنسبالى!؟ مصر هيا كل حاجة، انا بفتخر لانى مصرى.
بصراحة اتكسفت اوى من نفسى لما سألته السؤال ده لكن لما رجعت وقولتله "طب انت عملت ايه لمصر؟"قالى ولا حاجة كفاية انى عايش وبأكل ولادى عايزة ايه تانى؟"،" قولتله طب امتى هتعمل حاجة لبلدك عشان تردلها جزء من افضالها عليك؟" قالى لما مصر تناديلى هلبى النداءها ع طول .
طب ماهى دايمآ بتنادى علينا عشان نقومها من اللى هيا فيه لازم يعنى نفوق ف الحروب بس؟ ليه منخرجش حبنا ليها ف شكل تانى غير الاغانى والشعارات والكلام اللى لا بيودى ولا بيجيب يعنى هو ما ينفعش نتقى ربنا ف شغلنا ونعمل كل حاجة بضمير عشان نقوم بقا من الغيبوبة اللى احنا فيها ولا خلاص اتكتب علينا نعيش ونموت من غير مانعمل اى حاجة لبلدنا اللى احنا بنحبه حتى لو كنا بنمر بمشاكل كل يوم لاننا مصريين فده مش ذنب مصر ده ذنبنا احنا عشان اتكلنا ع غيرنا وبقينا نستناهم لما يعطفوا علينا عشان نقدر نعيش ،شوفتوا مدى الذل اللى بقينا نعانى منه؟!!!
كلامى ده مش معناه اننا مش بنحب مصر او بننقد احوالها بالعكس ده احنا مستعدين نضحى بكل حاجة عشان نفديها لكن مش عارفين نعبر عن حبنا ليها او نستثمره ف شئ ممكن ينفع بلدنا.
يا كل مصرى ومصريه "اعمل اللى عليك ومتفكرش ف العائد لانك لو رجعت لبلدك مكانتها اللى احنا ضيعناها بادينا هيكون ده افضل عائد وسيبونا بقا من الكلام الفاضى والشعارات عايزين عمل ..عايزين تقدم..عايزين انتاج لاننا خلاص وصلنا لنهايه المنحدر ومفيش حاجة نبكى او نخاف عليها "
احنا من اكتر الشعوب اللى بتعبر عن حبها لبلدها بالاغانى والشعارات،كل يوم تطلع اغنية جديدة بتتكلم عن حب مصر وخيرها وفضلها علينا وتلاقينا على طول بندندن معاها "مصر هيا امى نيلها هو دمى" وبعد ماتنتهى الاغنية ننسى كل حاجة. ياريت الاغانى ديه كانت تقدر تعمل اللى عايزينه كنا بقينا احسن ناس .
ولما نزلت سألت المواطن اللى ف الشارع وقولتله" مصر تبقى ايه بالنسبالك؟"لقيته بيقولى بسخريه "يعنى انتى مش عارفة مصر تبقى ايه بالنسبالى!؟ مصر هيا كل حاجة، انا بفتخر لانى مصرى.
بصراحة اتكسفت اوى من نفسى لما سألته السؤال ده لكن لما رجعت وقولتله "طب انت عملت ايه لمصر؟"قالى ولا حاجة كفاية انى عايش وبأكل ولادى عايزة ايه تانى؟"،" قولتله طب امتى هتعمل حاجة لبلدك عشان تردلها جزء من افضالها عليك؟" قالى لما مصر تناديلى هلبى النداءها ع طول .
طب ماهى دايمآ بتنادى علينا عشان نقومها من اللى هيا فيه لازم يعنى نفوق ف الحروب بس؟ ليه منخرجش حبنا ليها ف شكل تانى غير الاغانى والشعارات والكلام اللى لا بيودى ولا بيجيب يعنى هو ما ينفعش نتقى ربنا ف شغلنا ونعمل كل حاجة بضمير عشان نقوم بقا من الغيبوبة اللى احنا فيها ولا خلاص اتكتب علينا نعيش ونموت من غير مانعمل اى حاجة لبلدنا اللى احنا بنحبه حتى لو كنا بنمر بمشاكل كل يوم لاننا مصريين فده مش ذنب مصر ده ذنبنا احنا عشان اتكلنا ع غيرنا وبقينا نستناهم لما يعطفوا علينا عشان نقدر نعيش ،شوفتوا مدى الذل اللى بقينا نعانى منه؟!!!
كلامى ده مش معناه اننا مش بنحب مصر او بننقد احوالها بالعكس ده احنا مستعدين نضحى بكل حاجة عشان نفديها لكن مش عارفين نعبر عن حبنا ليها او نستثمره ف شئ ممكن ينفع بلدنا.
يا كل مصرى ومصريه "اعمل اللى عليك ومتفكرش ف العائد لانك لو رجعت لبلدك مكانتها اللى احنا ضيعناها بادينا هيكون ده افضل عائد وسيبونا بقا من الكلام الفاضى والشعارات عايزين عمل ..عايزين تقدم..عايزين انتاج لاننا خلاص وصلنا لنهايه المنحدر ومفيش حاجة نبكى او نخاف عليها "
