السائر الى الله

مرحبا بكم فى منتديات السائر الى الله


    احترم نفسك

    شاطر

    medo

    عدد الرسائل : 1
    العمر : 24
      :
    تاريخ التسجيل : 16/07/2008

    احترم نفسك

    مُساهمة  medo في الخميس يوليو 17, 2008 8:23 pm

    "ماتحترم نفسك بقا"




    "احترم نفسك" هى حملة تنظمها مجلة كلمتنا الشبابية تحت شعار "لسة فيكى رجالة يا مصر" بدأت شهر مايو وهتستمر لمدة ثلاثة اشهر تهدف إلى التصدي لظاهرة التحرش الجنسي الذي انتشر بصورة كبيرة مؤخراً فى شوارع محافظات مصر.



    تضم الحملة 1000 شاب وفتاه للسيطرة على المعاكسات والتحرشات التى تتعرض لها الفتيات بصورة شبه يومية فى الشارع والمواصلات العامة وتفعيل دور الرجال للدفاع عن اى امرأة تتعرض للانتهاك فقد فقد الشارع المصرى العديد من القيم التى كان ينفرد بها مثل الشهامة ،الجدعنة والمروءة لذلك تم اطلاق الحملة حتى تتمكن الامهات والبنات من الاطمئنان على انفسهن اثناء وجودهم ف الشارع وعدم التعرض لهن سواء بالفظ او باللمس.



    مازالت امكانيات الحملة محدودة فيتم توزيع الملصقات والاستيكرات وعمل الندوات والترويج للحملة من خلال الانترنت لان زى ما كلنا عارفين وسائل الدعايا الاخرى لايمكن السيطرة ع تكلفتها.

    ياريت كلنا نتفاعل مع الحملة ايجابيا ونعمل كل اللى نقدر عليه عشان نحقق اهدافها لو كل واحد فينا كلم صحابه وزمايله ف الموضوع واقنعهم بالفكرة هيوفر علينا كتير وخلال فترة قصيرة جدا هنحس بالفرق ف شارعنا.



    بس قبل ماتقعد مع صحابك وتكلمهم ياريت تقتنع انت الاول بالفكرة وبلاش تدور ع حد عشان تحمله مسئولية المعاكسات اللى بقينا نشوفها ونعترض ليها كل يوم لان البنات هتقول ان الشباب هما اللى عنيهم زايغة وبقى عندهم حرمان وسواء كانت البنت محتشمة او مش محتشمة هتتعاكس يعنى هتتعاكس والرجالة هيقولو ان البنات هما السبب هما اللى بيلبسو محزق وملزق وبقوا يحبو يتعاكسوا ، لو فضلنا نقول كدة عمرنا ما هنوصل لحل ابدا، كل واحد سواء كان ولد او بنت بيتحمل جزء من المسئوليه ولازم كل واحد يحاول يتغير من جواه ويحترم نفسه اولا وع فكرة الكلمة ديه مش عيب ولا شتيمة لو دققنا شوية هتلاقى ان معناها سامى جدا احترم نفسك كلمة بتلم كل المبادئ فى مصطلح اروع ما فيه انه هادف وقوي وله مغزى.

    احترم نفسك..قولها لنفسك لباباك لابنك لاخوك لصاحبك لان لو كل واحد فينا احترم نفسه هيتكسف يعمل اى حاجة وحشة وهيفرض على الناس انها تحترمه.



    ياريت كل اللى يقر الموضوع يقولى تعليقه ورايه ف فكرة الحملة،وهل الحملة هتحقق اهدافها ولا مش هتقدر تتغلب ع القيم السيئة اللى اكتسبها الشارع المصرى ؟، ولو حد عنده اقتراحات عشان نخلى الحملة اكتر فاعليه ياريت يطرحها، وف النهايه ارجو من كل واحد يقتنع بالفكرة انه يحاول يساعدنا ف تنفيذها وع الاقل يبدأ بنفسه ويراجعها ويعرف ان التحرش والمعاكسة ملهاش اى فايدة بل كلها اضرار بتضر اللى بيعاكس لانه بيقل ف نظر نفسه وبيرتكب بسببها ذنوب كمان بتضر اللى بيتعرض للمعاكسة لانها بجد بتجرح .
    avatar
    السائر الى الله
    المدير العام
    المدير العام

    عدد الرسائل : 111
    العمر : 34
    الدولة :
    المهنة :
    الهواية :
      :
    تاريخ التسجيل : 19/06/2008

    رد: احترم نفسك

    مُساهمة  السائر الى الله في الخميس يوليو 17, 2008 11:17 pm

    شكرا لك على الموضوع الجميل دة

    اكيد فكرة الحملة فكرة جملية وان شاء الله تاتى بثمارها

    بارك الله فيك اخى

      الوقت/التاريخ الآن هو الإثنين مايو 21, 2018 10:50 pm